italiye 2024-yili rus gazigha tayinishtin qutulidighanliqini élan qildi

türkiye awazi radiyosi xewiri: italiye bash ministiri mariyo dragi bir paaliyette qilghan sözide, 24-féwraldin (2022) bashlap dawam qiliwatqan ukraina-rosiye urushi bilen kücheygen énérgiye mesilisi üstide toxtaldi.

u eger italiyening yéngi tebiiy gaz bilen teminlesh türliri belgilengen muddet ichide tamamlanghanda, 2024-yili küzdin tartip rusiye gazidin pütünley musteqil halgha kélidighanliqlirini qeyt qildi.

u mundaq dédi:

«bu dölet bixeterliki üchün asasiy nishan hésablinidu, chünki rusiye tebiiy gazni ukraina we yawropadiki ittipaqdashlirigha qarshi géopolitikaliq siyasiy qoral süpitide ishlitishtin chékinmeydu. aljiriyedin ezerbeyjangha bolghan jughrapiyede teminleshni ashurush toghrisida yéngi kélishimlerni tüzduq. ötken yili (2021) tebiiy gaz importimizning %40 i rusiyedin kéletti, bu yil ottura hésab bilen yérim hesse azaydi.»

u axirida, yawropa ittipaqining örlewatqan tebiiy gaz bahasining kan-karxanilar we aililerge bolghan bésimini yéniklitish üchün, rusiyedin import qilinidighan gazning eng yuqiri bahasini békitishi kéreklikini otturigha qoydi.