rusiye tashqi ishlar ministirliqining bayanatchisi mariya zaxarowagha émbargo yürgüzüldi
amérika hökümiti rusiye pirézidénti wladimir putingha yéqin emeldarlar we ularning shexsiy heshemetlik sayahet paraxotliri bilen ayropilanlirini nishan qilghan yéngi émbargolarni élan qildi.
türkiye awazi radiyosi xewiri: aqsaray rusiye pirézidénti putingha yéqin emeldarlargha yéngi émbargolarning yürgüzülgenlikini élan qildi.
bayanatta, amérika maliye ministirliqining aldinqi qatarda turidighan rusiye hökümet emeldarliri, soda-sanaetchiliri we rus serxillirini nishan qilghan émbargolarning yürgüzülidighanliqi bildürüldi.
amérika maliye ministirliqining émbargo tizimlikige kirgüzülgen rusiye emeldarliri arisida, putinning okyan halqighan mal-mülüklirini bashquridighanliqi bilen tonulghan sérgéy roldugin we uning ailisi, rusiye mudapie sanaitige muhim töhpilerni qoshqan döletlik birleshme ayropilan shirkiti (United Aircraft Corporation) namliq awiyatsiye shirkitining bashqurghuchilirining barliqi qeyt qilindi.
amérika tashqi ishlar ministirliqi yéngi émbargolar ramkisida, rusiye tashqi ishlar ministirliqining bayanatchisi mariya zaxarowa we putingha yéqinliqi bilen tonulghan oligarxlarghimu émbargo yürgüzülgenlikini bildürdi.
amérika soda ministirliqi bolsa, merkizi bélarusiye we rusiyege jaylashqan 71 shirketning amérikadin téxnologiyelik mehsulat import qilishini cheklidi.
مۇناسىۋەتلىك خەۋەرلەر
gollandiyening sayahet paraxoti alanyagha keldi
gollandiyening «ostérdam» namliq sayahet paraxoti antalya wilayitining alanya nahiyesige keldi.
