élon mask twittérni sétiwélishni teklip qildi
amérika tokluq aptomobil ishlepchiqarghuchi shirket tésla (Tesla) ning bash ijraiye emeldari élon mask (Elon Musk) twittérni 41 milyard dollargha sétiwélishni teklip qildi.
türkiye awazi radiyosi xewiri: buningdin ilgiri twittérning %9.2 lik péyini sétiwalghan élon mask, amérika öy-zémin we aksiye soda komitéti (SEC) gha ewetken mektubida, twittérning hemmisini sétiwélish üchün herbir paychekke 54.2 dollar teklip qilghanliqini bildürdi. buning bilen, shirketning jemiy qimmiti texminen 41 milyardqa toghra keldi. netijide, 13-aprél (2022) twittér paychekliri %12 örlep, 44.48 dollargha chiqti.
élon mask twittér mudiriyitining bashliqi brét taylor (Bret Taylor) gha ewetken mektubida, twitétrdin paychek sétiwalghandin buyan shirketning hazirqi halitide tereqqiy qilmaydighanliqini eskertip: «twittérni alahide shirket qilip özgertish kérek» dédi.
u sétiwélish teklipining «eng yaxshi» we «axirqi teklip» ikenlikini bildürüp: «qobul qilinmisa, twittérning paychiki bolush süpitim bilen mesilini qaytidin közdin küchürüshüm kérek» dédi.
élon maskning twitétrda 80 milyondin artuq egeshküchisi bar bolup, uning 260 milyard dollardin artuq mal-mülki bar.
مۇناسىۋەتلىك خەۋەرلەر
gollandiyening sayahet paraxoti alanyagha keldi
gollandiyening «ostérdam» namliq sayahet paraxoti antalya wilayitining alanya nahiyesige keldi.