aqquyu yadro éléktir istansisining üchinchi tarmiqining uli ete qoyulidu
türkiyening tunji yadro énérgiye éléktir istansisi bolidighan aqquyu yadro éliktir istansisining üchinchi tarmaq guruppisigha ete (2021-yili 10-mart) ul sélinidu.
türkiye awazi radiyosi xewiri: türkiyening eng chong sélinmiliri arisidin orun alghan aqquyu yadro éléktir istansisining üchinchi tarmaq guruppisighaul qoyush murasimigha, türkiye jumhur reisi rejep tayyip erdoghan we rusiye pirézidénti wladimir putin sinliq qatnishidu.
türkiye bilen rusiye otturisida 2010-yili may éyida imzalanghan kélishim ramkisida, mersinning gülnar nahiyesige qarashliq büyükejeli rayonida qurulushi dawamlishiwatqan yadro éléktir istansisining tunji uli 2018-yili aprél éyda qoyulghan idi.
ötken yili (2020) aprél éyida istansisining ikkinchi tarmaq guruppisining uli qoyulush bilen, qurulush süriti tézleshken idi. noyabir éyida üchinchi tarmaq guruppisining qurulushigha ruxset bérildi we qurulushi üchün tetür sanash bashlanghan idi.
her biri 1200 mégawatliq töt réaktordin terkip tapidighan we jemiy 4 ming 800 mégawat quwwetke ige bolidighan éléktir istansisining birinchi tarmaq guruppisining, jumhuriyet qurulghinigha 100 yil toshidighan 2023-yili ishqa kirishtürüsh nishan qilinmaqta. qalghan üch tarmaq guruppini birer yil perq bilen 2026-yilining axirighiche ishqa kirishtürüsh pilan qilinmaqta.
مۇناسىۋەتلىك خەۋەرلەر
gollandiyening sayahet paraxoti alanyagha keldi
gollandiyening «ostérdam» namliq sayahet paraxoti antalya wilayitining alanya nahiyesige keldi.