tésla 5 milyard dollarliq pay chéki sétishni pilanlighanliqini uqturdi

türkiye awazi radiyosi xewiri: tésla bu yil pay bahasi % 500 etrapida qimmet yaratqandin kéyin, yéngi pay sétish pirogrammisini élan qildi.

téslaning amérika qoshma ishtatliri köchme mülükler we aksiye komitétigha yollighan doklatida, 5 milyard dollarghiche pay chékini sétish pilanlanghanliqi qeyt qilindi.

doklatta, goldman sachis, amérika bankisi, siti guruhi, gérmaniye bankisi we morgan stanléy qatarliq 10 banka arqiliq pay ning «pat - pat» sétilidighanliqi otturigha qoyuldi.

yene bir tereptin, blumbérg milyardérlar körsetküchige asaslanghanda, téslaning yuqiri derijilik bashqurghuchisi élon mask, 115 milyard 400 milyon dollargha yetken mülki bilen dunyadiki üchinchi chong bay, dégen namgha ige bolghan.

tésla pay chékining ösüshi bilen bayliqini ashurghan mask, bu tizimlikte 110 milyard 800 milyon dollarliq mülükke ige feyskbukning bash ijraiye emeldari mark zukérbérgdin éship ketti.