yawropa ittipaqi süriyeliklerge bérish üchün wede qilghan fondning bir qismini ewetti

türkiye awazi radiyosi xewiri: yawropa ittipaqi komitéti türkiyediki süriyeliklerge yardem qilishqa ajratqan fond heqqide bayanat élan qildi.

bayanatta, türkiyediki süriyelik musapirlarni qollash üchün qurulghan fondqa, sehiye, ijtimaiy we iqtisadiy yardem we yerlik hökümetlerning ul-esliheliri qatarliq sahelerge serp qilish üchün 1.41 milyard yawro ajritilghanliqi bildürüldi.

2016-yili qurulghan jemiy 6 milyard yawroluq fondqa bügüngiche 5.6 milyard yawro ajritilghanliqi eskertilgen bayanatta, fond ramkisida 3.5 milyard yawroluq kélishim imzalanghanliqi, layihelerge 2.35 yawro bérilgenliki we 80 din artuq layihening emelge ashurulghanliqi qeyt qilindi.

yawropa ittipaqi 2015-yili 29-noyabir ötküzülgen türkiye-yawropa ittipaqi yighinida, türkiyediki süriyelikler üchün 3 milyard yawroluq fond qurushni wede qilghan idi. 2019-yili 18-marttiki yighinda bolsa, 3 milyard yawroluq élawe fondni emelge ashurush qarar qilinghan idi.

fondlarning, türkiyediki süriyeliklerning sehiye, maarip, ul-eslihe, yémek-ichmek we bashqa éhtiyajliri üchün, shundaqla tereqqiy qildurushni meqset qilghan layihelerge serp qilinishi qarar qilinghan idi.

dunyada eng köp musapirgha sahibxanliq qiliwatqan türkiye, yawropa ittipaqini süriyeliklerge qilinidighan iqtisadiy yardemni yéterlik derijide téz sürette yetküzmeslik bilen tenqid qilip kelmekte.