iraq pirézidénti türk shirketlirini iraq qurulush sahesige meblegh sélishqa chaqirdi

türkiye awazi radiyosi xewiri: iraq pirézidéntliq mehkimisi yazma bayanat élan qilip, türkiyening baghdadta turushluq bash elchisi fatih yildiz, türkiye qurulush höddigerliri birliki bashliqi mithat yenigün we hemrahliqidiki heyetni baghdadtiki pirézidéntliq mehkimiside qobul qilghanliqini bildürdi.

salih iraq bilen türkiye arisidiki yiltizi chongqur munasiwetlerning ehmiyitini tekitlep, ikki dölet arisidiki iqtisadiy we soda hemkarliqini kücheytishning zörürlükini qeyt qildi.

iraqning meblegh salghuchilargha éhtiyajliq bir dölet ikenlikini bildürgen pirézidént salih, qurulush we bashqa sahelerde chongqur tejribige ige türk shirketlirini iraqning qurulushlarni yéngilish layihesige meblegh sélishqa chaqirdi.

bash elchi yildizmu, türk shirketlirining iraqta chong qurulush pilanlirini royapqa chiqirishqa we meblegh sélishqa teyyar ikenlikini bildürdi.

iraqning paytexti baghdadta tünügün «iraqni qaytidin güllendürülüsh yolida türkiye – iraq qurulush munbiri» dégen témida yighin échilghanidi.

yighingha iraq soda ishliri ministiri muhemmed hashim elewni we türkiyening baghdadta turushluq bash elchisidin bashqa yene türkiye qurulush höddigerliri birliki bashliqi mithat yenigün bilen türkiyelik we iraqliq qurulush höddigerlikiri qatnashti.