néfit éksport qilghuchi döletler teshkilati néfitni qisishni qararlashturdi

türkiye awazi radiyosi xewiri: ereb birleshme xelipilikining énérgiye we sanaet ishliri ministiri, qoshumche néfit éksport qilghuchi döletler teshkilati konféransining bashliqi suheyl bin muhemmed elmezrui, néfit éksport qilghuchi döletler teshkilati we bu teshkilattin sirtqi döletlerning awistiriyening paytext wiyanada chaqirilghan 5 – nöwetlik yighinidin kéyin élan qilghan bayanatida, muzakirilerning mölcherlidikidinmu uzun dawamlashqanliqini, axirida muhim qararning chiqirilghanliqidin intayin xursen ikenlikini tekitlep mundaq dédi: «teshkilatimiz kündilik néfit ishlepchiqirish midarini 800 ming waril qisish toghruluq qarar maqullidi. néfit éksport qilghuchi döletler teshkilatidin sirtqi döletlermu kündilik néfit ishlepchiqirish miqdarini  400 ming waril azaytishni qararlashturdi. shuning bilen, jemiy kündilik néfit ishlepchiqirish miqdarini 1 milyon 200 waril qisish qarari chiqirilghan boldi.»

yene bir tereptin, néfit éksport qilghuchi döletler teshkilati ezaliri teripidin chiqirilghan qarar heqqide axbarat wasitilirigha élan qilinghan bayanatta, kündilik néfit ishlepchiqirish miqdarining qisish toghruluq melumat bérilishtin sirt yene, mezkur qararning 2019 – yili yanwardin bashlap uda 6 ayghiche ijra qilinidighanliqi bildürüldi.

néfit éksport qilghuchi döletler teshkilatining 175 – nöwetlik pewquladde yighini, teshkilatqa eza 15 döletning  énérgiye we néfit ishliri ministirlirining ishtirak qilishida tünügün bashlanghan, pilanlanghan axbarat élan qilish yighinining bikar qilinghaniqi uqturulghanidi.