gazprom «türk éqimi» toghrisida bayanat élan qildi

türkiye awazi radiyosi xewiri: rusiye gazprom shirkitining bashliqi alékséy millér yéngi yildin burun ötküzülgen bir yighingha widéo arqiliq qatniship, mundaq dédi:

«bu yil türk éqimi layihesi üchün nahayiti muhim bir yil boldi. rusiye déngiz sahilliridin türk éqimi tebiiy gaz turuba yolining ikki linyesining qurulushini bashliduq, hazir türkiyening iqtisadiy rayonida xizmetlirimizni dawamlashturuwatimiz, bügün (27-dékabir) din bashlap tebiiy gaz turuba yolining 650 kilométirdin artuq qismini tamamliduq. bu, ikki linyede türkiyening déngiz astida pütküzülidighan qurulushning %35 din artuq qismigha barawer kélidu» dédi.

u yil axirighiche rusiyedin xitaygha tebiiy gaz yetküzüshke imkaniyet yaritip béridighan «sila sibiri» (sibiriye küchi) layihesining 1380 kilométirliq qismining axirlishidighanliqini bildürdi. u, buning bilen xitaygha gaz yetküzüshning bashlinishi üchün belgilengen «2019-yil 20-dékabir» dégen möhletke uyghun bolidighanliqini eskertti.

gazprom shirkiti 2017-yil 7-may bashlighan türk éqimi layihesi qurulushining her bir liinyesidin 15.75 milyard kub métir tebiiy gaz toshulidu. türkiyening tebiiy gaz éhtiyajini qamdaydighan birinchi linyeni 2018-yil mart éyida ishqa kirishtürüsh, yawropagha tutishidighan ikkinchi linyeni bolsa, 2019-yilda ishqa kirishtürüsh pilan qilinmaqta.