amérikiliq milyardér: putin daéshtinmu chong tehdit

türkiye awazi radiyosi xewiri: soros engliyede chiqidighan «‹ Guardian› géziti» de élan qilinghan maqaliside, gherb rehberlirini rusiye toghruluq agahlandurup we tenqid qilip mundaq dédi: «gherb elliri putin rehberlikidiki rusiyeni daéshqa qarshi urushta muhim bir ittipaqdash dölet dep qarap chong xataliq ötküzdi. halbuki, putinning nishani yawropagha seldek éqiwatqan süriyelik musapirlarning yawropa ittipaqigha tarqilishini qolgha keltürüshtur. rusiye bashtila shundaq pilan tüzgen, emma yolgha qoymighan, kéyinche ishqa ashurdi. putin taktikiliq pilan tüzüshke usta, lékin istiratégiyelik tepekkur qilish iqtidarigha ige emes. uning süriyege yawropadiki musapirlar kirizisini éghirlashturush üchün mudaxile qilghanliqigha ishinishning héchqandaq ehmiyiti yoq, rastini éytqanda, uning süriyege mudaxile qilishi istiratégiyelik xataliqtur. biraq putin yawropa ittipaqining yimirilish basquchini tézlitish pilanini ishqa ashuralaydighanliqigha ishinip, hawa hujumi élip bérishqa bashlidi, ortaq düshmen daéshqa qarshi küresh qilidighanliqini ilgiri sürüp, esli niyitini yoshurdi. ukrainadimu minisk kélishimni imzalighan bolsimu, belgilimilirige xilap qilghanidi. süriyedimu shundaq qildi. amérika bilen yawropa ittipaqi rehberliri putinning söz – heriketlirining arqa pilanidiki esli muddiasi heqqide oylinishning ornigha uning sözlirige ishinip ketti, netijide putin rehberlikidiki rusiye bilen yawropa ittipaqi zaman bilen riqabetlishiwatidu. hazirqi mesile qaysi terepning burun yimirilishidur. rusiye kéler yili iqtisadiy jehettin weyran bolushi mumkin.»