erdoghan: türkiye we rayonning kelgüside térrorning orni yoqluqini hemmige körsitimiz
jumhur reis rejep tayyip erdoghan: «bizning türkiye we rayonning kelgüside térrorluqning orni yoqluqini hemmige körsitish iradimiz qetiy» dédi.
türkiye awazi radiyosi xewiri: jumhur reis erdoghan türkiye jumhuriyiti jumhur reislik mehkimisining körgezme zalidiki saqchi, zhandarma we déngiz qirghiqi muhapizet etriti ezalirigha bérilgen iptar pirogrammisida söz qildi.
erdoghan térrorizmning siyaset halqighan mesile dep qarilishqa tégishlik ish ikenlikini tekitlep: «p k k sidin fetösighiche, daéshidin DHKP / C sighiche bolghan barliq térrorluq teshkilatliri xelqimizning düshmini. hökümet we dölet bolush süpitimiz bilen, biz térrorluqqa qarshi nahayiti ünümlük we muweppeqiyetlik küresh qilduq, qiliwatimiz» dédi.
türkiyening dölet ichi-sirtida térrorluqni menbeside turghuzup yoqitish istratégiyesining netijisini körgenlikini bildürgen erdoghan, üzlüksiz élip bérilghan zerbe bérish heriketliri arqiliq bölgünchi térrorluq teshkilatining yoqilish basquchigha keltürülgenlikini eskertip: «biz iraq we süriyediki zerbe bérish heriketlirimiz arqiliq daésh we p k k / y p g térrorluq teshkilatlirini chégralirimizdin yiraqlashturduq. bu ijabiy qedemlirimizni qetiylik bilen dawamlashturimiz. bizning türkiye we rayonning kelgüside térrorluqning orni yoqluqini hemmige körsitish iradimiz qetiy» dégenlerni qeyt qildi.
