ete türkiyede yerlik saylam ötküzülidu

türkiye awazi radiyosi xewiri: 61 milyon 441 mingdin artuq saylighuchi bélet tashlaydighan saylamda, 34 siyasiy partiyening kandidati hemde musteqil kandidatlarmu riqabetlishidu.

türkiye miqyasida 206 mingdin artuq bélet sanduqi tesis qilinidu.

saylighuchilar bélet tashlash arqiliq 30 chong sheherlik hökümet, 51 sheherlik hökümet, 973 nahiye, 390 yéza-bazar we 50 ming 336 mehelle bashliqini hemde wilayetlik omumiy kéngesh mejlisi ezaliri bilen sheherlik hökümet mejlisi ezalirini saylap chiqidu.

türkiye jumhuriyiti aliy saylam komitéti, hawa sharaiti we künning olturush waqtini nezerde tutup, türkiyening sherqiy qismidiki 32 wilayette bélet tashlash ishlirini bir saet ilgirige aldi.

bu arqa körünüshte, 32 wilayette bélet tashlash saet 07.00 de bashlinip, türkiye waqti saet 16.00 de axirlishidu.

bu wilayetlerning sirtidiki jaylarda bélet tashlash waqti saet 08.00 din 17.00 giche bolidu.