fidan: térrorni teltöküs yoqitish iradimiz qetiy
türkiye jumhuriyiti tashqi ishlar ministiri xaqan fidan türkiyening térorluqqa qarshi turush kürishining misli körülmigen sewiyege yetkenlikini eskertip: «bizning térrorni teltüküs yoqitish iradimiz qetiy» dédi.
2122357
türkiye awazi radiyosi xewiri: ministir xaqan fidan tünügün izmirda bayanat bérip, türkiyening ezeldin ege déngizi yaki sherqiy aqdéngizda düshmenlik peyda qilish niyitide bolmighanliqini, emma halqiliq menpeetini qoghdashtinmu özini qachurmaydighanliqini eskertti we térorluqni teltüküs yoqitish iradisiningmu qetiy ikenlikini tekitlidi.
fidan sözide, ukrainadiki urush bilen ghezzediki zulumgha adil we uzaq muddetlik tinchliq ornitish asasida xatime bérish tirishchanliqining küntertipning aldinqi qataridin orun éliwatqanliqini bildürdi.
u yene, özlirining balqan we jenubiy kawkaz rayonida rayon xaraktérlik ige chiqish medeniyitini berpa qilip, tinchliq we muqimliq zéminini kücheytishke tirishiwatqanliqlirini sözlirige ilawe qildi.
