erdoghan -mart ötküzülidighan yerlik saylam toghrisida uchur hembehrilidi

türkiye awazi radiyosi xewiri: jumhur reis erdoghan ijtimaiy taratqu supisi «X» tiki adrésida hembehriligen yerlik saylam toghrisidiki uchurida: «biz barliq oxshimasliqlirimiz bilen birlikte, 85 milyon kishilik chong ailimiz. saylam naxshimizda éytqinimizdek: hemmimiz oxshash baghning gülimiz, oxshash taghning shamili. biz ittipaqliqimizni qanche mustehkem saqlisaq, kelgüsige shunche ishench bilen qariyalaymiz. bizning siyasiy köz qarashlirimiz, yaxshi köridighan partiyelirimiz, kélip chiqishimiz, mijezimiz we turmush usulimiz oxshimasliqi mumkin. emma türkiye bizning ortaq zéminimiz, ortaq ögzimiz, ortaq makanimiz. milliy iradini namayan qilish qorali bolghan bélet sanduqi, 85 milyon kishidin teshkil tapqan hemmimizning sheripige amanet. biz hem bélet tashlash hemde awazimizni qoghdash arqiliq démokratiyemiz aldidiki mesuliyitimizni ada qilimiz. 31-marttiki saylamning hazirdin tartipla dölitimiz we xelqimizge xeyrlik bolushini tileymen» dégen ibarilerge orun berdi.