türkiye-girétsiye söhbet yighini istanbulda chaqirildi
türkiye-girétsiye «berpachi küntertip diyalogi»ning 6-qétimliq yighini istanbulda ötküzüldi.
türkiye awazi radiyosi xewiri: türkiye jumhuriyiti tashqi ishlar ministirliqi ijtimaiy taratqudiki adrsida bayanat élan qilip, «türkiye bilen girétsiye otturisidiki <berpachi küntertip diyalogi> dairiside, muawin ministirimiz bash elchi buraq aqchapar bilen girétsiye muawin tashqi ishlar ministiri konstantinos fragkogyannis bashchiliqidiki wekiller ömiki bügün 6-qétimliq yighinini istanbulda ötküzdi.
yighinda, 2023-yili 10-ayning 16-küni afénada ötküzülgen aldinqi qétimliq yighindin buyanqi ikki tereplik soda, iqtisad, qatnash, maarip, téxnika, muhit, saghlamliq we kishilik munasiwetni tereqqiy qildurush birleshme heriket pilanida qolgha keltürülgen ilgirileshler közdin kechürülüp, bu qatargha ilawe qilinish éhtimali bolghan yéngi hemkarliq saheliri toghrisida söhbet ötküzüldi we bu musapining kelgüsi heqqide pikir almashturuldi» dégen ibarilerge orun bérildi.
