әрдоған дийарбакирда түркийәниң терроризмға қарши күриши тоғрисида тохталди
җумһур рәис рәҗәп таййип әрдоғанниң бөлгүнчи террорлуқ тәшкилати — п к к ни дөләт чегралири ичидә мидирлийалмайдиған, һәрикәт қилалмайдиған һалға кәлтүргәнликлирини ейтти.
түркийә авази радийоси хәвири: җумһур рәис, қошумчә адаләт вә тәрәққийат партийәси рәиси рәҗәп таййип әрдоған, партийәсиниң дийарбакир чоң йиғилишидики сөзи җәрйанида, түркийәниң терроризмға қарши күриши тоғрисидиму тохталди.
«миллий мәнпәәтимизни қоғдаш җәрйанида кимниң қуйруқиға дәссәп қойсақ, улар дәрһал п к к ға йүзлиниду. биз йәнә даеш намлиқ емпирйалистларниң қончиқиғиму арам бәрмәйватимиз» дегән әрдоған, өзлириниң п к к ни дөләт чегрлири ичидә мидирлийалмайдиған, һәрикәт қилалмайдиған һалға чүшүргәнликлирини тәкитлиди.
әрдоған сөзини давамлаштуруп: «биз чегралиримизниң сиртиниму қәдәммуқәдәм контрол қиливатимиз. әмма бу халиған һәммә тәрәпниң уларни (террорлуқ тәшкилатини) дөлитимиз вә хәлқимизгә қарши қорал сүпитидә ишлитәләйдиған пичка икәнлики реаллиқини өзгәртәлмәйду. әтрапимиздики нурғун дөләтләр қан вә от йалқунлири ичидә пучулиниватқан бир пйәттә, биз бихәтәрликимиз, тинчлиқимиз, бәхт-саадитимиз, муқимлиқимиз вә гүллинишимизгә бузғунчилиқ қилмақчи болғанларға бойун егип турмидуқ, турмаймиз» дегәнләрни қәйт қилди.
