yashar güler térrorluqni menbesidin yoqitish istratégiyesi heqqide muhim söz qildi

türkiye awazi radiyosi xewiri: ministir yashar güler dölet mudapie ministirliqida ötküzülgen «18-mart shéhitlerni xatirilesh küni we chanaqqele déngiz zepirining 109 – xatire yili paaliyetlirige qatnashti.

ministir yashar güler sözide, tarixtiki eng chong ghelbilerning birsi bolghan chanaqqele zepirining musteqilliq urushiningmu bashlamchisi bolush alahidilikige ige ikenlikini éytti.

yashar güler chanaqqelediki küresh rohidin élinghan ilham bilen jumhuriyetning ikkinchi esride türkiyeni téximu küchlük we parlaq kelgüsige yüzlendürüsh meqsitide, tirishchanliqlarning dawam qiliwatqanliqini tekitlep: «pütün dunyada yirikchilikler ewj alghan bir mezgilde türkiye bolush süpiti bilen qara déngizdin afriqaghiche we ottura sherqtin kawkazghiche tinchliq we muqimliqni hökümran qilish üchün küchlük tirishchanliq körsitiwatimiz» dédi.

ministir guler türkiye qoralliq qisimlirining birterepte chégra bixeterlikini mudapie qilsa,  dölet ichide we chégra sirtida térorluqqa qarshi küreshte zor utuqlarni qolgha keltürgenlikini eskertip yene mundaq dédi:  

«ilgiri élip bérilghan qaratmiliqi cheklik we waqitliq  heriketlerning ornigha, bügünki künde biz térorluq teshkilatlirini menbeside yoqitish istratégiyemiz bilen üzlüksiz we etrapliq heriketlerni élip bérip, térorluq teshkilatlirigha éghir zerbilerni bermektimiz. eger hazir u yerlerde bolmighan bolsaq, térorluq teshkilatining dölitimiz we millitimizge qarshi hujumliri dölet ichide ilgirikige oxshash dawamlashqan bolatti we hazirqi muqimliq ishqa ashmaytti. héch kishi gumanlanmasliqi kérekki, térorluqqa qarshi kürishimiz, tinchliqimiz we bixeterlikimiz üchün qetiy irade bilen üzülmey dawamlishidu»

ministir yashar guler térorluqqa qarshi küresh bilen teng birla waqitta yene, kök wetendiki heq – hoquq, menpeetliriningmu qetiylik bilen qoghdiliwatqanliqini tekitlidi.