qalin amérikada resmiy ziyarette bolidu
türkiye jumhuriyiti milliy istixbarat idarisi (MIT) bashliqi ibrahim qalin resmiy ziyarette bolush üchün amérika qoshma ishtatlirigha yürüp ketti.
türkiye awazi radiyosi xewiri: ibrahim qalin paytext washingtonda amérika merkiziy istixbarat idarisi — CIA bashliqi wilyam burns bilen körüshidu. uningdin bashqa aqsarayda amérika dölet mejlisi we tashqi ishlar ministirliqi qatarliq orunlardiki alaqidar kishiler bilen körüshüp söhbetlishidu.
ibrahim qalinning küntertipide ikki dölet munasiwiti, p k k, fetö (fethullahchi térrorluq teshkilati), daésh qatarliq térrorluq teshkilatlirigha qarshi küresh mesililiri bar؛ bu dairide yene, iraq, süriye mesilisi, bolupmu ghezzede urush toxtitish söhbetliri toghrisida pikir almashturidu. söhbetler jeryanida, dawamlishiwatqan rusiye-ukraina urushi we kawkaz weziyitimu muhakime qilinidu.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.
