erdoghan döletning mudapie iqtidarini üzlüksiz tereqqiy qildüriwatqanliqi heqqide melumat berdi
jumhur reis rejep tayyip erdoghan: «ittipaqdashlirimizning bezide yoshurun we ochuq émbargo yürgüzgen bolushigha qarimay, mudapie iqtidarimizni üzlüksiz tereqqiy qildüriwatimiz» dédi.
türkiye awazi radiyosi xewiri: jumhur reis erdoghan déngiz armiyesi qomandanliq ishtabi teripidin sherqiy aq déngizda élip bérilghan «déngiz börisi -2 / 2024» namliq manéwirdikiler bilen dölet mudapie ministiri yashar güler arqiliq téléfonda körüshti.
jumhur reis erdoghan jumhuriyetning 100 - yilliqi munasiwiti bilen istanbul boghuzida ötküzülgen 100 paraxotluq parattin ötüsh paaliyitining déngiz armiyesining iqtidarini yene bir qétim namayan qilghanliqini eskertip yene mundaq dédi:
«dunyaning tunji uchquchisiz ayropilan awiyamatkisi bolghan <TCG Anadolu> ning déngiz armiyemizge qandaq imkaniyetlerni qoshqanliqini hemmimiz birlikte körgen bolduq. <TCG Anadolu> din bashqa armiyemizni téximu chong awyamatkidin birige ige qilish üchün xizmetlirimiz dawamlashmaqta. hawa armiyemizge hessilep köpeytish xaraktérliq küch qoshidighan beshinchi ewlad urush ayropilanimiz <KAAN> yéqinda ikkinchi qétimliq uchushnimu muweppeqiyetlik tamamlidi. <Bayraktar TB3>, <qizil elma> we <enqa 3> ning oxshimighan sinaqliri dawamlashmaqta. ittipaqdashlirimiz teripidin bezide yoshurun we ochuq émbargo yürgüzülgen bolushigha qarimay, mudapie iqtidarimizni üzlüksiz tereqqiy qildüriwatimiz. tézgineklik sistémilardin tartip hawa mudapiesi, bronik quruqluq aptomobilliri we éléktronluq urush sistémilirighiche bolghan hemme sahede qetiy irade bilen küresh qilmaqtimiz»
