fidan afriqa döletlirining tashqi ishlar ministirliri bilen körüshti

türkiye awazi radiyosi xewiri: tashqi ishlar ministiri xaqan fidan 3-qétimliq antalya diplomatiye munbiri ramkisida, afriqa döletlirining tashqi ishlar ministirliri we rayon teshkilatlirining rehberliri bilen körüshti.

diplomatik menbelerdin élinghan melumatlargha asaslanghanda, tashqi ishlar ministiri xaqan fidan türkiyening afriqa döletliri bilen sistémiliq we köp tereplimilik hemkarliq modéllirini tereqqiy qildurghanliqini eskertip, munasiwetlerning teng shériklik we özara hörmet qilish pirinsiplirigha tayinidighanliqini qeyt qilghan.

u türkiyening afriqadiki 44 dölette elchixana achqanliqini, afrqa qitesi bilen bolghan soda omumiy sommisining 40 milyard dollardin ashidighanliqini we biwaste meblegh sommisining 6 milyard dollardin ashqanliqini bildürdi.

u afriqa duch kelgen bixeterlik, tereqqiyat, yémek-ichmek we qerz qatarliq mesililergimu, türkiyening yardem qiliwatqanliqini tekitlidi.

u afriqaning mesililirini hel qilish charelirini afriqadin tépish kéreklikini eskertip, 3-qétimliq türkiye-afriqa ministirliri közdin kechürüsh konféransiningmu pat yéqinda échilidighanliqini bildürdi.

antalya diplomatiye munbirige afriqadin toqquz döletning dölet we hökümet bashliqliri, 25 tashqi ishlar ministiri qatnashti.