fidan lawrow we elyehya bilen körüshti
türkiye jumhuriyiti tashqi ishlar ministiri xaqan fidan antalyada rusiye tashqi ishlar ministiri sérgéy lawrow we kuweyt tashqi ishlar ministiri abdullah eli elyehya qatarliqlar bilen körüshti.
türkiye awazi radiyosi xewiri: türkiye jumhuriyiti tashqi ishlar ministirliqi ijtimaiy taratqu supisi «X» tiki adrésida uchur hembehrilep, ministir fidanning üchinchi qétimliq antalya diplomatiye munbirige qatnishish üchün türkiyege rusiyelik mensepdishi sérgéy lawrow bilen körüshüp, enqere-moskwa munasiwiti, rayon we dunyawi özgirishler toghrisida sözleshkenlikini bildürdi.
ministirlar israiliyening ghezzede dawamlashturuwatqan qirghinchiliqini toxtitish yolida tashlinidighan qedemler shundaqla rusiye-ukraina urushining nöwettiki ehwalimu muzakire qilindi.
diplomatik menbelerdin igilengen uchurlargha qarighanda, fidan lawrowgha «terepler özlirini teyyar hés qilghanda» türkiyening tinchliq kélishimi hasil qilinishi üchün, pütün küchi bilen tirishidighanliqi éytqan.
sérgéy lawrowmu türkiyening saqliniwatqan mesililerge chare tépish üchün eng teshebbuskarliq köp küch chiqarghan dölet ikenlikini tekitlidi.
ministir fidan yene kuweyt tashqi ishlar ministiri abdullah eli elyehya bilenmu körüshüp, hemkarliq pursiti we ikki tereplik munasiwetler toghrisida sözleshti.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.
