erdoghan: qirghinchiliq we kirizislerning aldini élish üchün tirishchanliq körsitishni dawamlashturimiz
jumhur reis rejep tayyip erdoghan: «ghezzeni öz ichige yéqin jughrapiyemizde dawamlishiwatqan kirizisler, qirghinchliqlar we azab-oqubetlerning aldini élish üchün qolimizdin kélishiche tirishchanliq körsitimiz» dédi.
türkiye awazi radiyosi xewiri: erdoghan 6-nöwetlik étnospor munbirige sin körünüshlük uchur ewetti.
«resmiy ezalar bilen birlikte 50 döletttin kelgen her derijilik wekiller ishtirak qilghan «étnospor munbiri»ning rayonimiz we pütkül dunyaning tinchliq we bixeterlikige hesse qoshushini tileymen» dégen jumhur reis erdoghan, sözini dawamlashturup: «qatnashquchilarning köp xilliqi jehette, dunyaning aldinqi qatardiki paaliyetlirining biri bolghan munbirimiz, béridighan signalliri arqiliq alahidiliki we yoshurun küchini hemmige hés qilduridu» dédi.
jumhur reis erdoghan yene: «ishinimenki, antalya bilen déngizdash, aq déngizning u teripidiki ghezzede yüz bériwatqan tiragédiyege xatime béridighan hemkarliq rohi bu munberde namayan bolidu. bizmu ghezzeni öz ichige yéqin jughrapiyemizde dawamlishiwatqan kirizisler, qirghinchliqlar we azab-oqubetlerning aldini élish üchün qolimizdin kélishiche tirishchanliq körsitimiz.
biz köngül jughrapiyemizdin bashlap dunyaning herqaysi jaylirida tinchliq, adalet we xatirjemlikni hökümran qilish üchün, ilgiriki her qandaq waqittikidinmu bekrek tirishchanliq körsitimiz. téximu adil we bayashat dunya berpa qilish yolidiki bu mubarek küreshte silerdek dostlirimzining bizni qollishinglarni ümid qilimiz» dégenlerni sözlirige ilawe qildi.
