türkiye somalida yüz bergen térrorluq hujumigha qarita teziyename élan qildi
türkiye somalining paytexti muqdishuda aldinqi küni yüz bergen térrorluq hujumida qaza qilghanlargha teziye bildürdi.
türkiye awazi radiyosi xewiri: türkiye tashqi ishlar ministirliqi somali paytexti muqdishuda yüz bergen térrorluq hujumi toghrisida yazma bayanat élan qildi.
bayanatta: «somalining bixeterlikige töhpe qoshush wezipisini ötewatqan herbiy xadimlarning qaza qilghanliqidin chongqur qayghurduq. somali, ereb birleshme xelipiliki we behreyn xelqige teziye bildürimiz» déyildi.
bayanatta yene: «türkiye somalining bixeterliki, muqimliqi we güllinishini qollap – quwwetleshni dawamlashturidu» déyildi.
muqdishudiki gordan herbiy bazisida wezipe ötewatqan bir somaliliq esker etrapidikilerge oq chiqarghan bolup, ereb birleshme xelipilikining yuqiri derijilik eskerlirinimu öz ichige alghan nurghun kishining öltürülgenliki we yarilanghanliqi élan qilinghan idi.
térrorluq teshkilati eshshabab hujumning jawabkarliqini üstige élip, hujum qilghuchining özlirining adem bombisi ikenlikini ilgiri sürgen idi.
مۇناسىۋەتلىك خەۋەرلەر
minsitir yerlikaya awstriye tashqi ishlar ministiri shallénbérg bilen körüshti
awstriye tashqi ishlar ministiri aléksandér shallénbérg türkiyede ziyarette bolmaqta.
