erdoghan michotaks bilen qoshma muxbirlarni kütüwélish yighini ötküzdi

türkiye awazi radiyosi xewiri: jumhur reis erdoghan bilen tünügün paytext enqerede dölet ishliri ziyaritide bolghan girétsiye bash ministiri kiryakos michotakis qoshma muxbirlarni kütüwélish yighini ötküzdi.

méhman bash ministir bilen ötküzgen söhbiti jeryanida, ikki dölet munasiwitini etrapliq muhakime qilghanliqlirini, ikki dölet soda miqdarini 6 milyard dollardin 10 milyard dollargha chiqirish üchün tirishchanliq körsitidighanliqlirini tekitligen erdoghan: «bizning girétsiye bilen bolghan térrorluqqa qarshi turushtiki ortaq chüshenchimiz barghanséri kücheymekte. biz rayonimizning kelgüside térrorluq teshkilatlirining orni yoqluqi qarishida hempikirmiz. munasiwitimizdiki ijabiy atmosféraning girétsiyediki az sanliqlar we irqdashlirimizning heq-hoquqlirining bérilishige hesse qoshushini kütimiz» dégenlerni qeyt qildi.

jumhur reis erdoghan qibris mesilisining araldiki pakitlargha asasen adil we üzül -késil hel qilinishining muhimliqini otturigha qoyup : «bundaq bir qedem rayonimizning muqimliqi we tinchliqini kücheytidu» dédi.

girétsiye bash ministiri michotakis sözide: «arimizdiki chüshinish we munasiwet muhiti ijabiy halette üzlüksiz tereqqiy qilmaqta» dédi we girétsiyening türkiyening yawropa ittipaqigha eza bolushini qollaydighanliqini sözlirige ilawe qildi.