istanbulning küchükchekmeje rayonidiki qoralliq hujum qattiq eyiblendi

türkiye awazi radiyosi xewiri:  adalet we tereqqiyat partiyesining sheher bashliqi namzati eziz yeniay istanbulning küchükchekmeje rayonida saylam seperwerlik xizmitini dawamlashturiwatqan peytte, miltiq we tapancha bilen ununggha qaritip oq chiqirildi.

bir kishi éghir yarilanghan hujumdin kéyin, saqchi etretliri weqege qatnashqan kishilerni tutush üchün heriket bashlidi.

jumhur reis rejep tayyip erdoghan ijtimaiy alaqe hésabidiki hujumgha munasiwetlik yazmisida qoralliq hujumni eyiblep: «saylam xizmetliri jeryanining saghlam we démokratiyemizge yarishimliq shekilde ilgirilewatqanliqini hezim qilalmighanlarning bu xizmet jeryanini zeherleshke urunushigha hergiz yol qoymaymiz. démokratiyemiz, ittipaqliqimiz we barawerlikimizge qest qilghan her qandaq hujum meqsitige yételmeydu» dédi.

türkiye büyük millet mejlisi bashliqi numan qurtulmushmu ijtimaiy alaqe hésabida hujumni eyiblep: «démokratiyening eng muhim namayendiliridin biri bolghan erkin saylam muhitida, étilghan her bir pay oq, milliy iradige qarshi bir herikettur» dédi.

démokratiyeni hujum nishani qilghan her qandaq heriketning hergiz meqsitige yételmeydighanliqini tekitligen numan qurtulmush: «(hujum qilghuchilar) ittipaqliqimizgha we qérindashliqimizgha hergiz ziyan salalmaydu» dédi.

muawin jumhur reis jewet yilmazmu özining ijtimaiy alaqe hésabida hujumni qattiq eyiblidi.