türkiye 26 - féwralda xelqara sotta israiliyening irqiy qirghinchiliqi heqqide doklat sunidu

türkiye awazi radiyosi xewiri: gollandiyening lahey shehiridiki xelqara sotta israiliyening sherqiy quddusta we ishghaliyet astidiki pelestin zéminida qilghan qilmishlirining qanuniy aqiwetliri heqqide élip bérilidighan meslihet yighinida sunidighan aghzaki doklatlarning waqit jedwili élan qilindi.

buninggha asasen, türkiyenimu öz ichige alghan 52 dölettin bashqa yene,  ereb elliri ittipaqi, islam hemkarliq teshkilati we afriqa ittipaqi qatarliqlarning her biri 19-féwraldin 26-féwralghiche bolghan ariliqta aghzaki doklat béridu.

israiliyening ishghaliyet astidiki  pelestinde qilghan qanunsiz qilmishlirining qanuniy aqiwetliri heqqide türkiyening aghzaki doklati 26 - féwral düshenbe küni élan qilinidu.

birleshken döletler teshkilati omumiy kéngishining alahide siyasiy we mustemlike komitéti 2022-yili 30-dékabirdiki qararida, xelqara jinayi ishlar sot mehkimisidin 1967-yildiki urushtin buyan israiliyening paaliyetliri netijiside, pelestinliklerning öz teqdirini özi belgilesh hoquqini ret qilishning qanuniy aqiwetliri heqqide pikir bayan qilishini telep qilghan idi.

xelqara jinayi ishlar sot mehkimisi nurghunlighan döletler otturisidiki talash-tartishliq délolargha alaqidar ispatlarni anglashtin bashqa yene, b d t organliri we bashqa alahide organlargha cheklesh küchige ige bolmighan meslihet pikirlirini sunalaydu.

xelqara jinayi ishlar sot mehkimisi 2004-yildiki meslihet yighinida, israiliyening pelestinde ishghal qiliwalghan rayonlarda séliwalghan tamlirining xelqara qanunni ayaq asti qilghanliq ikenlikini otturigha qoyghan idi.