kiriyakos michotakis: «türkiye nahayiti muhim mudapie sanaiti ékisportigha ige»
girétsiye bash ministiri kiriyakos michotakis: «türkiye nahayiti muhim mudapie sanaiti ékisportigha ige» dédi.
türkiye awazi radiyosi xewiri: girétsiye bash ministiri kiriyakos michotakis girétsiyede tarqitish béridighan «SKAI FM» radiyo qanilining ziyaritini qobul qilip, küntertiptiki témilar toghrisida muhim söz qildi.
u girétsiyening amérikadin «F-35» tipliq ayropilan sétiwélish telipige washingitonning ijabiy qaraydighanliqini eskertip, amérikaning éhtiyajning sirtidiki mudapie matériyalliri (EDA) iprogrammisi dairiside, bezi herbiy matériyallarni girétsiyege heqsiz béreleydighanliqini tekitlidi.
u muxbirning «türkiye bir qisim qorallirini özi ishlepchiqiriwatidu» dégen eskertishige qarita: «türkiyening intayin muhim mudapie sanaiti éksporti bar, yene bir terepte biz bolsaq, téxiche ötmüshtiki yétersizliklerni toluqlashqa tirishiwatimiz» dédi.
u türkiye bilen dékabirda imzalanghan «aféna dostluq munasiwetliri we yaxshi qoshnidarchiliq xitabnamisi» ning ikki tereplik munasiwetlerni normallashturush basquchigha kirgüzgenlikini, shundaqla özining mayda paytext enqereni ziyaret qilishni pilanlighanliqini bildürdi.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.