iran pirézidénti reisi türkiyeni ziyaret qilidu

türkiye awazi radiyosi xewiri: jumhur reislik mehkimisi uchur-alaqe ishliri idarisi bayanat élan qilip, iran pirézidénti ibrahim reisining ziyariti jeryanida, paytext enqerede 8-qétimliq türkiye-iran aliy sewiyelik hemkarliq kéngishi yighinining ötküzülidighanliqini bildürdi.

yighinda, türkiye-iran munasiwetliri barliq terepliri bilen közdin kechürülidighanliqi, ikki terep hemkarliqini téximu chongqurlashturup, tereqqiy qildurulushi üchün bésishqa tégishlik qedemlerning muzakire qilinidighanliqi qeyt qilindi.

bayanatta mundaq déyildi:

 «uchrishishlarda ikki terep munasiwetliri, isirailiyening ghezze we ishghal qilinghan pelestin zéminlirigha qiliwatqan hujumlirini öz ichige alghan rayon, shundaqla dunyawi mesililer toghrisida özara pikir almashturulidu. yighin wesilisi bilen, munasiwetlerning kélishimlerdin peyda bolghan asasini kücheytishni meqset qilghan her xil höjjetlermu imzalinidu.»