tunji türk alem uchquchisi gezerawjining alem boshluqi sepiri bashlidi

türkiye awazi radiyosi xewiri: SpaceX shirkitining türkiyening tunji alem uchquchisi alper gezerawjimu olturghan alem kémisining amérikaning florida ishtatidiki kénnidi alem boshluqi merkizidin shu yer waqti saet 16:49 (türkiye waqti 00:49) de muweppeqiyetlik qoyup bérilishi bilen,  Ax-3 alem kémisi tetqiqat guruppisi ezasi gezerawjining alem sayahiti bashlidi.

tunji türk alem uchquchisi gezerawjimu olturghan alem kémisining amérika waqti shenbe küni etigen saet 05.15 etrapida (türkiye waqti 13.15 te) xelqara alem ponkitigha yétip bérishi kütülüwatqan bolup, bu alem kémisining texminen 36 saet yol yüridighanliqini körsitidu.

SpaceX  shirkiti xelqara alem ponkitigha qarap  yolgha chiqqan <ejdiha> namliq kapsulidiki Ax-3 tetqiqat guruppisining tunji héssiyati we oy-pikirlirini neq meydandin biwasite tarqatti.

gezerawjining alem boshluqidiki tunji sözi: «tunji türkning türkiyening tunji adem küchidin paydilinip alem tetqiqati élip bérish wezipisini orundash üchün alem boshluqigha qedem qoyuwatqan mushu lehzisini türkiye jumhuriyitimizning qurghuchisi ulugh atimiz mustapa kamal atürkning <kélechek asmanlarda>  dégen dahiyane sözi bashlashni xalaymen» dégendin ibaret boldi.

alem boshluqi sayahiti bilen «tunji türk alem uchquchisi» dégen namgha érishken gezerawji, 14 kün boyiche xelqara alem ponkitida yerning mikro tartish küchi, alem boshluqida insan salametliki, tuz köli ösümlükining alem boshluqida tetqiq qilinishi we nöl tartish küchi muhitida qattiq we suyuqluq arilashmilirini tetqiq qilish qatarliq 13 oxshimighan türde ilmiy tejribe élip baridu.

shuning bilen bir waqitta, bürküt 9 rakétasi Ax-3 tetqiqat etritini élip mangghan ejdiha kapsulini belgilengen égizlikke kötürgendin kéyin, muweppeqiyetlik halda kapsuldin ayrilip, kénnidi alem merkizining sherqige jaylashqan Cape Canaveral bazisigha muweppeqiyetlik qondi.

bürküt 9 rakétasidin ayrilghandin kéyin heriketke ötken mérlin alem motori kapsulni xelqara alem tetqiqat merkizige yetküzidu.