erdoghan tunji türk alem uchquchisi alper gezerawji bilen sinliq körüshti

türkiye awazi radiyosi xewiri: jumhur reis erdoghan ministirlar kéngishi yighini jeryanida tunji türk alem uchquchisi alper gezerawji bilen sinliq körüshüshti.

u alper gezerawjidin: «siz alem qatnishi wezipisini orunlighan tunji puqramiz bolisiz, millitimizni heqiqeten pexirlendürisiz, bu wezipige teyyarmusiz?» dep soridi.

alper gezerawji bu wezipini pütün küchi bilen orunlashqa teyyar ikenlikini bildürdi.

jumhur reis erdoghan: «bu wezipe hem ilmiy wezipidur, hem ewladlirimiz we yashlirimiz üchün ilham menbesi bolidighanliqi nuqtisidinmu intayin qimmetlik hésablinidu. inshaallah bu yéngi bashlinish bolghusi. bu wezipini üzüldürmey dawamlashturimiz, nishanni her daim téximu yuqiri kötürimiz, sizge we xizmetdashliringizgha utuq tileymen, bu wezipini bixeter tamamlishingizni ümid qilimen, allah sizge yar we yardemchi bolsun, aqyol bolsun» dédi.

alper gezerawjimu: «kelgüsi ewladlirimiz üchün arzuyimizni chekleydighan bu perdini échip tashlashqa wesile bolghanliqingiz üchün sizge minnetdarmiz, köp rehmet éytimiz» dédi.