firansiye déngiz tewelikide 20 türkiye puqrasi qutquzuwélindi
firansiye brétonya rayoni déngiz tewelikide ot kétish sewebidin motori buzulghan paraxottiki 20 türkiyelik xadim qutquzuwélindi.
türkiye awazi radiyosi xewiri: firansiye taratquliridiki xewerlerde körsitilishiche, brétonyaning pénmarch baziri déngiz tewelikide tünügün (28-dékabir) «guana» namliq panama bayriqi ésilghan paraxotning motorigha ot ketken.
atlantik déngiz waliy mehkimisining bu heqtiki bayanatida qeyt qilinishiche, paraxottiki 20 türkiyelik xadimning beziliri tik uchar bilen, beziliri bashqa paraxotlar bilen qutquzuwélinghan.
tik uchar bilen qutquzuwélinghan 14 türkiyelik xadim tünügün (28-dékabir) shu yer waqti 23.00 te «Lanveoc-Poulmic» déngiz armiye bazisigha orunlashturulghan. qalghan alte déngizchi firansiyening brést shehirige qarap kétiwatqan ispaniyening «Esperanza del Mar» isimlik paraxotigha chiqirilghan.
guana paraxotining türkiyege tömür rudisi toshuydighanliqi bildürüldi.
diplomatik menbeler, türkiyening nant konsulxanisining paraxottiki 20 türkiyelik xadimning salametlik ehwali toghrisida firansiyening munasiwetlik organliridin melumat alghanliqini qeyt qildi.
