erdoghan: isirailiye dairilirining soraqqa tartilishi üchün barliq méxanizmlardin paydilinimiz
jumhur reis rejep tayyip erdoghan türkiye bolush süpitimiz bilen isirailiye dairilirining qanun we tarix aldida soraqqa tartilishi üchün bar bolghan barliq méxanizmlardin paydilinishtin chékinmeydighanliqlirini bildürdi.
türkiye awazi radiyosi xewiri: rejep tayyip erdoghan konya mewlana medeniyet merkizide ötküzülgen mewlane jalalidin rumi wapatining 750-yilliqini xatirilesh murasimigha télégramma ewetti.
u télégrammisida, mutepekkur, mutesewwuf we köngül sultani mewlane jalalidin rumini minnet bilen yad etken halda: «mewlana jalalidin rumining hikmet buliqidin süzülgen tewsiyelirige her daimkidin téximu éhtiyajliq bolghan künlerni bashtin kechürmektimiz» dédi.
u 7-öktebir (2023) din buyan ghezzede we ishghal astidiki pelestin zéminlirida yüz bergen isirailiye hujumliri üstide toxtilip: «özlirini kishilik hoquq we erkinlikning qoghdighuchisi süpitide körsetken melum döletlerning shertsiz qollishigha érishken isirailiye hökümiti zulumning derijisini téximu yuqiri kötürüp qan töküshni, jangha zamin bolushni, kichik balilarni öltürüshni dawamlashturmaqta» dédi.
u isirailiye dairilirining qanun we tarix aldida soraqqa tartilishi üchün bar bolghan barliq méxanizmlardin paydilinishtin chékinmeydighanliqlirini tekitlep: «mewlane jalalidin rumining yolidin méngip, kishining diniy étiqadigha, millitige, ten renggige, kimlikige qarimastin ajiz we bigunah kishini qollashni dawamlashturimiz» dédi.
