erdoghan: nétanyahu we uning qollighuchiliri choqum sotlinidu

türkiye awazi radiyosi xewiri: jumhur reis rejep tayyip erdoghan 2023-yilliq t r t world munbiri yighinigha qatnashti we muhim söz qildi.

u ottura sherqte 7-öktebir (2023) din buyan dawamlishiwatqan urush üstide toxtilip: «türkiye téximu köp qan aqmasliqi, téximu éghir weyranchiliqlarning yüz bermesliki we téximu köp köz yashlarning tökülmesliki üchün mesuliyetni üstige élishqa teyyar. dunya tinchliqi we bixeterlikini kapaletke ige qilishqa mesul xelqaraliq teshkilatlarning mesilini hel qilish qabiliyitining yoqluqini bügün téximu yaxshi chüshenduq. uzun muddetlik tinchliq ornitish emelge ashmay ötken her bir kün, her bir minutning bedilini, ot üstige yagh bénzin chachqan gherbliklerla emes, nahayiti epsuski bigunah puqralarmu tölimekte.

ghezzede 70 tin artuq zhurnalist jénidin ayrildi. dunya qeyerde? dunyadiki meshhur axbarat organliri qeyerde? ularning awazi némishqa chiqmaydu? dunyadiki chong axbarat organliri ghezzediki wehshiyliklerge köz yumushni, hamasni bahane qilip muxbirlarni öltürüshni yolluq qilishqa tirishiwatidu. anadolu agnétliqimizda shéhit bar, bu yerde körginimizdek yarilanghan ghazi kamérachimiz bar. bular qeyerde boldi? ghezzede. her küni bir muxbir öltürülüwatidu. yillardin buyan axbarat erkinlikidin ders bergen organlarning héchbirining awazi chiqmaywatidu.

barliq wehshiyliklerge qarimastin ghezzeliklerning iradisini sunduralmighan isirailiyening tetür teshwiqatimu meghlub boldi. her türlük xeterge tewekkul qilip, ghezzedin dunyagha hayatiy ehmiyetke ige uchur-alaqe karidori achqan t r t ni, anadolu agnétliqini we bashqa axbarat organlirimizni tebrikleymen. t r t ünlük chiqmaywatqan awazlarni dunyagha anglitish we weqelerni he rteripi bilen bildürüsh wezipisini telepke layiq orunlimaqta» dédi.

u isirailiye bash ministiri nétanyahu heqqide toxtilip mundaq dédi:

«nétanyahu we uning qollighuchiliri térroristtur. ular choqum lahéydiki xelqara jinayi ishlar sot mehkimiside sotqa tartilidu.»

u axirida: «isirailiyening zalimliq qilishini tosiyalmisaq, dunyaning héchqandaq yéride héchkim özini bixeter hés qilalmaydu. chünki déwe solanghan shishening éghizi bir qétim échildi» dédi.