erdoghan: türkiye – girétsiye munasiwetlirining téximu küchiyidighanliqigha ishinimen

türkiye awazi radiyosi xewiri: jumhur reis rejep tayyip erdoghan türkiye – girétsiye istratégiyelik aliy hemkarliq kéngishining 5 – nöwetlik yighinigha qatnishish üchün ziyarette boluwatqan girétsiyede, girétsiye pirézidénti katérina sakélaropulu teripidin pirézidént mehkimiside resmiy murasim arqiliq qarshi élindi.

erdoghan girétsiye pirézidénti katérina sakélaropulu bilen körüshüsh harpisida bergen bayanatida, aridin 6 yil ötkendin kéyin atinada ziyarette bolghanliqidin intayin xursen ikenlikini eskertip mundaq dédi:

« 5-nöwetlik istratégiyelik aliy hemkarliq kéngishi yighinimizning türkiye – girétsiye otturisida parlaq yéngi bir dewrning bashlinishigha wesile bolidighanliqigha ishinimen.»

«biz bügün köp sandiki ministirlardin teshkil tapqan wekiller ömiki bilen birlikte bu yerge kelduq. ministirlirimiz kespdashliri we söhbetdashliri bilen nahayiti ehmiyetlik uchrishishlarni élip baridu. ziyaritimizdin meqset ikki dölet otturisidiki soda omumiy sommisini 5 milyard 500 milyon dollardin 10 milyard dollargha yetküzüshtur. bu jehette qaysi sahede qaysi qedemlerni tashliyalaydighanliqimiz toghruluq muzakirilerni élip barimiz. barliq ministir dostlirimiz bu heqte  deslepki teyyarliqlarni qildi. bu dairide kélishimlerni imzalap, sepirimizni téximu ehmiyetlik we bixeter halda dawamlashturimiz. ehmiyetlik ishlar heqqide muzakirilerni élip bérish kélechek üchün téximu yaxshi dep qaraymen.»

kéyinche jumhur reis rejep tayyip erdoghan bilen girétsiye pirézidénti katérina sakélaropulu ayrim körüshti.

uchrishish axbarat wastilirigha yépiq haltte ishqa ashuruldi.

erdoghan atinada girétsiye bash ministiri kériyakos michotakisnimu qobul qildi.