jumhur reis erdoghan girétsiyege yéip bardi
jumhur reis rejep tayyip erdoghan girétsiye bash ministiri kériyakos michotakisning teklipige binaen girétsiyede dölet ishliri ziyaritide bolmaqta.
türkiye awazi radiyosi xewiri: jumhur reis rejep tayyip erdoghan girétsiye bash ministiri kériyakos michotakisning teklipige binaen we türkiye – girétsiye istratégiyelik aliy hemkarliq kéngishining 5 – nöwetlik yighinigha qatnishish üchün, girétsiyede dölet ishliri ziyaritide bolmaqta.
türkiye jumhuriyiti jumhur reislik mehkimisi uchur – alaqe ishliri idarisining bildürüshiche, jumhur reis rejep tayyip erdoghan bilen girétsiye bash ministiri kériyakos michotakisning riyasetchilikide we munasiwetlik ministirlarning ishtirak qilishida chaqirilidighan türkiye – girétsiye istratégiyelik aliy hemkarliq kéngishi yighinida, türkiye – girétsiye munasiwetliri her jehettin közdin kechürülüp, ikki tereplik hemkarliqni kücheytish imkaniyetliri heqqide muzakire élip bérilidiken.
uchrishishlarda, ikki terep munasiwetliri, rayonluq we xelqaraliq özgirishler toghriliqmu özara pikir almashturulidiken.
ziyaret dairiside yene, ikki tereplik munasiwetlerning qanuniy asasini kücheytish nishan qilinghan türlük kélishim we kélishim layihelirining imzalinishi pilanlanmaqta iken.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.
