erdoghan qatardin ayrildi
dölitimiz (türkiye jumhuriyiti) jumhur reisi rejep tayyip erdoghan qatarda ötküzülgen 44- nöwetlik paris qoltuqi hemkarliq kéngishi bashliqlar yighinidin kéyin qatarning paytexti dohadin ayrildi.
türkiye awazi radiyosi xewiri: jumhur reis rejep tayyip erdoghan israiliye bash ministiri bényamin nétanyahu hökümitining pütkül rayonning bixeterliki we kilechikini xeterge ittiriwatqanliqini éytti.
jumhur reis erdoghan qatarda ötküzülgen 44- nöwetlik paris qoltuqi hemkarliq kéngishi bashliqlar yighinida söz qildi.
erdoghan türkiyening xelqara meblegh salghuchilar üchün burundin tartipla bixeter port ikenlikini tekitlep mundaq dédi:
« türkiye iqtisadigha ishinidighan qérindashlirimizgha her xil qolayliqlarni yaritip bérishke teyyarmiz.»
ghezze rayonida dawamlishiwatqan israiliye – hamas otturisidiki toqunushlar toghriliqmu toxtalghan jumhur reis erdoghan, mundaq dep körsetti:
«bizning eng muhim ishimiz derhal uzun muddetlik urush toxtitishni élan qilish we ghezzege insanperwerlik yardem buyumlirining dawamliq kirishige kapaletlik qilishtur.»
«bényamin nétanyahu hökümiti siyasiy ömrini uzartish üchün pütkül rayonimizning bixeterliki we kélechikini xeterge ittiriwatidu. derweqe, ghezzediki wehshiyliklerning süriyeni öz ichige alghan rayonluq urushqa aylinip qélishigha qetiy yol qoymasliqimiz kérek.»
«köpinchisi balilar we ayallardin teshkil tapqan 17 ming bigunah pelestinlikning hayatidin ayrilishi insaniyetke qarshi jinayettur, urush jinayitidur. israiliye bu jinayetliri tüpeyli choqum jawabkarliqqa tartilishi kérek.»
jumhur reis erdoghan qatarda ötküzülgen 44- nöwetlik paris qoltuqi hemkarliq kéngishi bashliqlar yighinidin kéyin qatarning paytexti dohadin ayrildi.
