türkiye xelqara déngiz ishliri teshkilatining ezaliqigha qayta saylandi

türkiye awazi radiyosi xewiri: türkiye tashqi ishlar ministirliqining bu heqtiki yazma bayanatida, xelqara déngiz ishliri teshkilatining  kéngesh ezaliqi saylamlirining teshkilatning tünügün engliyening paytexti londonda chaqirilghan 33 – nöwetlik omumiy yighini dairiside ötküzülgenliki bildürüldi.

bayanatta, mezkur saylamlarda namzat dölet türkiyening xelqara déngiz ishliri teshkilatining  kéngesh ezaliqigha qayta saylanlghanliqi eskertilip mundaq déyildi:

«türkiye xelqara déngiz ishliri teshkilatigha tunji qétim eza bolghan 1999-yildin buyan, her ikki yilda bir qétim ötküzülidighan saylamlarning hemmiside qayta ezaliqqa saylinip kelmekte. dölitimiz déngizchiliq sahesidiki imkaniyetliri we tejribe – sawaqlirigha asasen, xelqara déngiz ishliri teshkilatigha ijabiy töhpilerni qoshushni üzlüksiz dawamlashturidu.»