87 neper türkiye we shimaliy qibris puqrasi misir arqiliq istanbulgha keldi
israiliyening hujumliri sewebidin ghezzedin tarqaqlashturulghan shimaliy qibris türk jumhuriyiti we türkiye jumhuriyiti puqraliridin teshkil tapqan 87 neper kishi misir arqiliq istanbulgha keldi.
2066841
türkiye awazi radiyosi xewiri: «refah chégra éghizi» din misirgha ötken 27 neper shimaliy qibris türk jumhuriyiti puqrasi, 60 neper türkiye puqrasi bolup, jemiy 87 kishi olturghan türkiye hawa yolliri shirkitining ayropilani, qahiredin istanbul ayrodurumigha qondi.
ularni istanbul ayrodurumida tashqi ishlar ministirliqi wekilliri bilen jiddiy ehwallargha taqabil turush qomandanliq merkizining mesulliri qarshi aldi.
pasport kontrol qilinghandin kéyin, bir qisim puqralar mexsus aptobuslar bilen ayrodurumdin ayrildi. shimaliy qibris türk jumhuriyiti puqraliri bilen turalghusi bashqa wilayetlerdiki kishiler jiddiy ehwallargha taqabil turush qomandanliq merkizi teripidin békitilgen méhmanxanilargha orunlashturuldi.
