фидан ғәззәдә дәрһал уруш тохтитишни қайта тәкитлиди

түркийә авази радийоси хәвири: түркийә ташқи ишлар министири хақан фидан украина пайтәхти кийевдә өткүзүлгән қара деңиз иқтисадий һәмкарлиқ тәшкилати парламентлар бирләшмисиниң 62-нөвәтлик омумий кеңиши йиғиниға, тәшкилатниң нөвәтчи рәиси болуш сүпитидә телеграмма әвәтти.

у дунйаниң украинадики уруш вә вабаниң тәсирлирини һес қиливатқан бир вақитта, 7-өктәбир (2023) дин тартип йүз бериватқан өзгиришләрниң, исираилийә-һамас ихтилапиға һәр даим диққәт қилиш керәкликини хатириләткәнликини қәйт қилди.

у: «исираилийәниң ғәззәгә селиватқан зулми, қара деңиз иқтисадий һәмкарлиқ тәшкилати җуғрапийәсигиму еғир хәвпләрни пәйда қилиду. бизниң буниңға тутидиған мәйданимиз наһайити рошән болуп, дәрһал уруш тохтитилиши керәк. инсанпәрвәрлик йардәмлириниң изчил йәткүзүлүши капаләткә игә қилиниши керәк. хәлқара қобул қилған икки дөләтлик һәл қилиш формуласиға тайанған тинчлиқ музакирәлиригә қайтиш керәк. тинчлиқниң толуқ әмәлгә ешишиға капаләтлик қилидиған механизм тәсис қилиниши керәк» деди.

у түркийәниң украинаға тәврәнмәс қоллишини давамлаштуридиғанлиқини тәкитләп, украинаниң мустәқиллиқи, игилик һоқуқи вә қиримни өз ичигә алған земин пүтүнлүкини өз ичигә алидиған тинчлиқ үчүн һәр түрлүк дипломатик тиришчанлиқларниму давамлаштуридиғанлиқини, буниң қара деңиз келишимини қайтидин җанландурушниму өз ичигә алидиғанлиқини қәйт қилди.