türkiye-girétsiye ishenchni ashurush tedbirliri yighini enqerede ötküzüldi

türkiye awazi radiyosi xewiri: türkiye-girétsiye heyetliri otturisida échilghan özara ishenchni ashurush tedbirliri yighinida, tedbirlerning 2024-yili boyiche qayta yolgha qoyulushi we ijra qilinishi toghrisida kélishim hasil qilindi.

türkiye dölet mudapie ministirliqining yazma bayanatida, enqerede ötküzülgen ishenchni ashurush tedbirliri (GAÖ) yighinida, her ikki terep heyitining bash elchiler, yuqiri derijilik herbiy xadimlar we hökümet emeldarliridin terkib tapqanliqi bildürüldi.

bayanatta, yighindin kéyin, tereplerning ilgiri kélishken ishenchni ashurush tedbirlirini 2024-yili boyiche qaytidin yolgha qoyush we ijra qilish kélishimi hasil qilghanliqi bildürüldi.

bayanatta: «türkiye we girétsiye heyetliri otturisida özara ishenchni ashurush tedbirliri yighinining birinchi nöwetliki 2023-yili 13–noyabirda ötküzüldi. yighin türkiye jumhuriyiti dölet mudapie ministirliqining sahibxanliqida enqerede ötküzüldi. her ikki dölet wekiller ömiki bash elchiler, yuqiri derijilik herbiy xadimlar we hökümet emeldarliridin terkib tapti. yighinda, her ikki terep mesul organlarning testiqi bilen ilgiri maqullanghan özara ishenchni ashurush tedbirlirini 2024-yili boyiche qayta yolgha qoyush we ijra qilish kélishmi hasil qildi.  yighin ijabiy keypiyatta ötküzüldi. her ikki terep yene, maqullanghan özara ishenchni ashurush tedbirlirining yolgha qoyulushini asanlashturush üchün alaqilishish méxanizmi tesis qilishni qarar qildi. kéler qétimliq yighingha, girétsiye sahibxanliq qilidu» déyildi.