erdoghan: israiliyening ghezzediki qirghinchiliqini qollash amérikani naraziliq obyéktigha aylandurdi

türkiye awazi radiyosi xewiri: erdoghan iqtisadiy hemkarliq teshkilatining 16-nöwetlik bashliqlar yighini ötküzülgen özbékistandin qaytish yolida ayropilandiki muxbirlar bilen söhbet ötküzdi.

erdoghan amérika tashqi ishlar ministiri antoniy blinkénning enqere ziyariti jeryanida soghuq qarshi élinghanliqi toghrisidiki sözlerge baha bérip, türkiye tashqi ishlar ministirliqining diplomatiye we resmiyet qaide – tertiplirini nahayiti yaxshi bilidighanliqini we uni ijra qiliwatqanliqini éytti.

«dunyaning herqaysi jaylirida amérikagha naraziliq bildürülüwatidu, némishqa? chünki israiliyening ghezzediki qirghinchiliqini qollash amérikani naraziliq obyéktigha aylandurdi» dégen erdoghan, sözini dawamlashturup: «amérika tashqi ishlar ministiri blinkénning eng chong xataliqi eng bashtila yüz berdi. israiliyege barghiningda, <men bu yerge amérika tashqi ishlar ministiri hemde bir yehudiy süpitide keldim> déseng, uning bir bedili bolidu. buning bedili néme? buningdin bedili, qisqa waqit ichidila bir yérim milyon ademning istanbul yenikapigha toplinishidur... türkiyening köpligen jaylirida mushuninggha oxshash nurghun kishilerning bir yerge jem bolushidur. engliye, firansiye we amérikada aqsarayning aldigha minglarche adem yighildi. bular bir isharet piltisidur» dégenlerni qeyt qildi.

özlirining diplomatiyening barliq imkaniyetlirini seperwer qilip, insan merkezlik pozitsiyelerni emeliy sahede qollashqa érishtürüsh üchün tirishiwatqanliqlirini bildürgen erdoghan: «kishilik hoquq we xelqara qanun bu rezil urushni waqtida toxtitishqa buyruydu. héchkim özini xelqaraning qanunning sirtida qoymasliqi kérek we bundaq ehwal yüz bergende, hemme uninggha qarshi turushi lazim. epsuski, israiliye men tilgha alghan biperwaliqning merkizi. israiliye mesilisi hel qilinmighuche, rayonimizda yaki dunyada toluq tinchliq we toluq xelqaraliq qanuniy tertiptin éghiz achqili bolmaydu» dédi.

erdoghan nöwette israiliye xelqining 60-70 pirsentining bash ministir bényamin nétanyahugha qarshi ikenlikini ilgiri sürdi.

pelestin islamiy qarshiliq körsitish herikiti — hamasning puqralarni görüge éliwélishtek bir mesilisining yoqluqigha isharet qilghan erdoghan: «eksiche, qilinishi kérek bolghan ish, israiliyening qolidiki pelestinliklerni qoyup bérishi. hazir, biz türkiye bolush süpitimiz bilen, bu ishqa arilashsaq, israiliyening qilishi kérek bolghan birdinbir ish, pelestinliklerni tézdin qoyup bérishi, yene bir tereptin hamasningmu qolidiki israiliyeni qoyup bérishidur» dégenlerni sözlirige ilawe qildi.