erdoghan bügün qazaqistanda ziyarette bolidu
türkiye jumhur reisi rejep tayyip erdoghan türk döletliri teshkilatining 10 – nöwetlik bashliqlar yighinigha qatnishish üchün bügün (2-noyabir) qazaqistanda ziyarette bolidu.
türkiye awazi radiyosi xewiri: türkiye jumhuriyiti jumhur reislik mehkimisi uchur – alaqe ishliri idarisining bildürüshiche, jumhur reis rejep tayyip erdoghan 2 – 3 – noyabir künliri qazaqistanning paytexti astanada «türk dewri» témisida ötküzülidighan türk döletliri teshkilati bashliqlar yighinigha qatnishidiken.
türk döletliri teshkilatining nöwetchi reislik wezipisini özbékistandin qazaqistan ötküzüwalidighan bashliqlar yighinida, rehberler teshkilat qarmiqida hemkarliqni yenimu kücheytish paaliyetliri heqqide muzakire élip baridiken.
rehberler yene, 11-ayning 3-küni dunyawi we rayonluq mesililer heqqide özara pikir almashturidiken.
jumhur reis rejep tayyip erdoghan bu yerde yighin ishtirakchilirigha xitab qilidiken, hemde rehberler bilen ikki tereplik uchrishishlarni élip baridiken.
