türkiye jumhuriyitining 100-yili nurghun döletlerde tebriklendi

türkiye awazi radiyosi xewiri: türkiyening gérmaniyediki éssén konsulxanisida türkiye jumhuriyti qurulghanliqining 100-yili tebriklendi. tebriklesh paaliyitide, medeniyet we sayahet ministirliqining «türkiyening rengliri» naxsha-ussul ömiki, untulmas minutlarni xatire qaldurdi.

gollandiyedimu türkiye jumhuriyiti qurulghanliqining 100=yili tebriklendi. türkiyening amstérdam konsulxanisida dölet bayrimini tebriklesh paaliyiti ötküzüldi.

 bash konsul mehmut burak ersoy: «türkiye jumhuriyiti qurulghanliqining 100-yilliqini tebrikleshtin özimizni shereplik hés qilmaqtimiz.  jumhuriyitimizning yiltizliri héch shübisizki minglarche yilliq dölet enenisige tutishidu» dédi.

kolombiyedimu türkiye maarip wexpide dölet bayrimi tebriklendi.  türkiye jumhuriyiti qurulghanliqining 100-yili paytext bogotadiki parlamént binasida türkiyege ayrilghan mexsus yighinda alahide pirogramma bilen tebriklendi. pirogrammigha, türkiyening bogotadiki bash elchisi beste pehliwan, türkiye hemkarliq we kordinatsiye agéntliqi-tika (TİKA) we maarip wexpining mesulliri qatnashti.

türkiye jumhuriyiti qurulghanliqining 100-yili munasiwiti bilen iraq paytexti baghdadta paaliyet ötküzüldi.

türkiyening baghdadtiki elchixana binasida ötküzülgen tebriklesh paaliyitige, iraq qatnash ministiri rezzaq muhaybis, iraq tashqi ishlar ministirliqi wekili hisham alewi, bezi parlamént ezaliri, iraq türkmen firontining bashliqi hesen turan we baghdadtiki bashqa döletlerning elchixana wekillirimu qatnashti.

bulghariye we kosowudimu türkiye jumhuriyiti qurulghanliqining 100-yili tebriklendi.