fidan ereb birleshme xelipilikide dölet ishliri ziyaritide bolmaqta
türkiye tashqi ishlar ministiri xaqan fidan ebuzebide ereb birleshme xelipiliki emiri (pirézidénti) muhemmed bin zayid al nehyan teripidin qobul qilindi.
türkiye awazi radiyosi xewiri: türkiye jumhuriyiti tashqi ishlar ministirliqi ijtimaiy taratqu supisi <X> tiki adrésida uchur hembehrilep, yuqiri derijilik uchrishishlarni ötküzüsh üchün ereb birleshme xelipiliki paytexti ebuzebige barghan ministir xaqan fidanning ereb birleshme xelipiliki emiri al nehyan bilen körüshkenlikini uqturdi.
fidan ebuzebidiki ziyariti dairiside, ereb birleshme xelipiliki tashqi ishlar ministiri sheyx abdullah bin zayid al nehyan bilenmu körüshti.
diplomatik menbelerdin igilengen uchurlargha asaslanghanda, ministir fidan yene, wéngiriye tashqi ishlar, qoshumche tashqi soda ministiri pétir szijarto bilen téléfonliship, nöwettiki özgirishler toghrisida sözleshken.
türkiye jumhuriyiti tashqi ishlar ministirliqining bu heqtiki yazma bayanatigha qarighanda, xaqan fidan bügün (25-öktebir) qatarda dölet ishliri ziyaritide bolup, dohada qatar bash ministiri, qoshumche tashqi ishlar ministiri sheyx muhemmed bin abdurrahman bilen dohada körüshidiken we qatar emiri sheyx temim bin hemed al sani teripidin qobul qilinidiken.
mölcherlinishiche, uchrishishlarda ikki dölet munasiwiti we aldimizdiki mezgilde dohada ötküzülüshi pilanliniwatqan türkiye - qatar yuqiri derijilik istratégiyelik komitétining toqquz toqquzinchi nöwetlik yighinining teyyarliq xizmetliri muzakire qilinidiken.
buningdin bashqa, pelestinning nöwettiki weziyiti, rayon we xelqara sehnilerdiki eng yéngi özgirishler toghrisida pikir almashturulidiken.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.
