türkiye amérikaning wénézuéla toghrisidiki qararini qarshi aldi

türkiye awazi radiyosi xewiri: türkiye jumhuriyiti tashqi ishlar ministirliqi yazma bayanat élan qilip: «biz boliwarchi wénézuéla jumhuriyiti hökümiti bilen ittipaqliq supisi wekillikidiki wénézuéla öktichilirini 17- öktebir barbadosta imzalanghan <siyasiy hoquqni qollash we barliq kishilerning saylash – saylinish hoquqigha kapaletlik qilish we dölet menpeetini qoghdash> toghrisidiki kélishimliri munasiwiti bilen tebrikleymiz» dédi.

türkiyening, zörür dep qaralghan teqdirde, 2024 – yili wénézuélada ötküzülidighan saylamlarning démokratik pirinsiplargha uyghun kélidighan shekilde ochuq – ashkara we adil ötküzülüshi üchün wénézuéla dairilirige yardem bérishke teyyar ikenliki otturigha qoyulghan bayanatta: «biz amérika qoshma ishtatlirining wénézuélagha qaratqan jazalarning bikar qilinishi toghrisidiki bayanatini <toghra yönilishte tashlanghan bir qedem> dep qaraymiz» déyildi.

bayanatta yene: «türkiye jumhuriyiti bir tereplime jazalargha qarshi pirinsipal meydanini saqlap kéliwatqan bolup, dostimiz wénézuélaning ilgirikige oxshashla bügünmu yénididur» dégen ibarilergimu orun bérildi.

amérika wénézuéla hökümiti bilen öktichiler 2024- yili saylam ötküzüsh toghrisida kélishim hasil qilghandin kéyin bayanat élan qilip, wénézuélaning néfit, tebiiy gaz we altun sahelirige qaritilghan bir qisim jazalarni waqtinche toxtatqanliqini élan qilghanidi.