erdoghan israiliyening doxturxana bombardiman qilishigha naraziliq bildürdi
jumhur reis rejep tayyip erdoghan israiliyening ghezzediki elehli babtist doxturxanisini bombardiman qilishidin kéyin bayanat élan qilip: «men pütkül insaniyetni heriketke kélip, tarixta misli körülmigen bu wehshiylikni toxtitishqa chaqirimen» dédi.
türkiye awazi radiyosi xewiri: jumhur reis erdoghan qanliq hujumdin kéyin, özining ijtimaiy taratqudiki adrésida bayanat élan qilip: «ayallar, balilar we bigunah puqralar turuwatqan bir doxturxanini bombardiman qilish, israiliyening eng asasliq insaniy qimmet qarashtin mehrum hujumlirining eng yéngi misali. men pütkül insaniyetni heriketke kélip, ghezzediki tarixta misli körülmigen bu wehshiylikni toxtitishqa chaqirimen» dédi.
israiliyening ghezzediki elehli babtist doxturxanisini bombardiman qilishi netijiside, deslepki melumatlargha qarighanda, 500 adem qaza qildi.
ghezzediki sehiye ministirliqi bayanatchisi eshref elqudre, elehli babtist doxturxanisining bombardiman qilinishi netijiside, köp sanliqi bowaqlar, balilar we ayallar bolup, 500 ademning qaza qilghanliqini uqturdi.
pelestin dölet reisi mehmud abbas bombardimandin kéyin, üch künlük matem élan qildi.
