erdoghan engiliye bash weziri bilen téléfonlashti
dölitimiz (türkiye jumhuriyiti) jumhur reisi rejep tayyip erdoghan engiliye bash weziri rishi sunak bilen téléfonda körüshti.
türkiye awazi radiyosi xewiri: türkiye jumhuriyiti jumhur reislik mehkimisi uchur – alaqe ishliri idarisining ammiwi ortaqlishish tor bétidiki sehipiside élan qilghan bayanatida bildürüshiche, jumhur reis rejep tayyip erdoghan engiliye bash weziri rishi sunak bilen téléfonda körüshken.
ikki rehberning téléfon söhbitide, israiliye – pelestin otturisidiki toqunushlarning nöwettiki tereqqiyati, rayonda tinchliq ornitish üchün yolgha qoyushqa tégishlik siyasetler we éghir insaniy kirizisni hel qilish üchün qollinishqa tégishlik tedbirler heqqide muzakire élip bérilghan.
jumhur reis erdoghan téléfon söhbiti yighin jeryanida, xelqara jemiyetning, bolupmu gherb döletlirining ghezzediki kishilik hoquq depsendichiliklirige qarshi ünümlük heriket qollinishi kéreklikini, kirizisni téximu murekkepleshtürüwétidighan qedimlerni tashlashning ornigha, köp yillardin buyan pelestinge bérilgen wedilerge emel qilinishini hem buni este tutushning muhimliqini tekitligen.
hamasning herbiy qaniti bolghan qassam birigadiliri 7-öktebir shenbe küni israiliyege qarshi «eqsa topani» namliq keng kölemlik hujum qozghighanliqlirini élan qilghanidi. ghezzedin israiliyege minglighan rakétamiyot étilghan, qoralliq guruppilarmu rayondiki olturaq rayonlargha kirgenidi.
israiliye armiyesi bolsa, urush ayropilanliri bilen ghezze shehirige «tömür qilich herikiti» qozghighanliqlirini bildürgenidi.
igilinishiche, barghanséri keskinlishiwatqan toqunushlarda her ikki tereptin minglarche kishi jénidin ayrilghan.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.
