hamas terepdarlirining saqchi mashinisini bulap qachqanliqi toghrisidiki xewerning yalghanliqi tekitlendi
türkiye jumhuriyiti jumhur reislik mehkimisi uchur – alaqe ishliri idarisi yalghan teshwiqatqa taqabil turush merkizi hamas terepdarlirining saqchi mashinisini bulighanliqi toghrisidiki xewerning yalghanliqini bildürdi.
türkiye awazi radiyosi xewiri: türkiye jumhuriyiti jumhur reislik mehkimisi uchur – alaqe ishliri idarisi yalghan teshwiqatqa taqabil turush merkizi «pelestin islamiy qarshiliq körsitish herikiti – hamas qollighuchiliri shiwétsiyediki namayishliri jeryanida saqchi mashisini bulap qachti» dégen xewerning toghra emeslikini bildürdi.
merkezning bayanatida, mezkur natoghra teshwiqatqa alaqidar ikenliki ilgiri sürülgen süretlerning 2022 – yili aprélda daniyelik ashqun ongchil siyasetchi rasmus paludanning shiwétsiyening her qaysi sheherliride sadir qilghan «quran kerimni köydürüsh» qutratquluqigha qarshi namayishlar jeryanida tartilghanliqi qeyt qilindi.
bayanatta: «bir qisim ijtimaiy taratqularda hembehrilengen <shiwétsiyediki namayishta hamasning qollighuchiliri saqchi mashinisini bulap qachti> dégen eyibleshler toghra emes. bu süretlerning ilgiri sürülüwatqinidek israiliyening ghezzege qilghan hujumigha munasiwetlik namayishlar bilen munasiwiti yoq» dégen ibarilerge orun bérildi.