yilmaz üstel bilen körüshüp, qibris mesilisini muzakire qildi
türkiye jumhuriyiti muawin jumhur reisi jewdet yilmaz shimaliy qibris türk jumhuriyiti bash ministiri ünal üstel bilen körüshti.
türkiye awazi radiyosi xewiri: paytext enqerediki jumhur reislik mehkimisi binasida ötküzülgen ayrim uchrishishta, iqtisadiy we pul-muamile hemkarliq kélishimining tepsilati, türkiyedin shimaliy qibris türk jumhuriyitige yetküzülüwatqan «hayatliq süyi»ning öy - makanlardin kéyin, déhqanchiliq sahesigimu kéngeytilishi, yéngi erjan ayrodurumining yoluchi sighimchanliqini ashurush xizmetliri, türkiyedin su asti turuba yoli arqiliq tok yetküzüsh we uning özara ulinish sistémisigha kirgüzülüshi shundaqla dawamlishiwatqan tashyol qurulushi türliri muzakire qilindi.
söhbet jeryanida, shimaliy qibris türk jumhuriyitining besh yilliq tereqqiyat pilanining ijra qilinishigha birleshtürüp, shimaliy qibris türk jumhuriyitining ottura mezgillik tereqqiyat qedemlirini békitishi mesiliside, türkiye jumhuriyitining öz tejribilirini ortaqlishishi bilen, maarip, saghlamliq we rayongha munasiwetlik siyasiy jughrapiyelik mesililer muhakime qilindi.
