enqere «türkiye doxturxana bombardiman qildi» sepsetisini ret qildi
«türkiye urush ayropilanliri süriyening derik rayonidiki bir doxturxanini bombardiman qildi» dégen sepsetening toghra emesliki bildürüldi.
türkiye awazi radiyosi xewiri: türkiye jumhuriyiti jumhur reislik mehkimisi uchur – alaqe ishliri idarisi qarmiqidiki yalghan teshwiqatqa taqabil turush merkizi türkiye armiyesining süriyening shimalidiki hawadin zerbe bérish herikitige munasiwetlik yalghan xewerler toghrisida bayanat élan qildi.
türkiye armiyesining p k k / y p g térrorluq teshkilati térrorchilirigha qarshi élip barghan hawadin zerbe bérish heriketliri jeryanida, bigunah puqralar, dost küchler, tarixiy, medeniyet bayliqliri we muhitqa ziyan yétip qélishning aldini élishqa munasiwetlik her türlük tedbirlerning yolgha qoyulghanliqigha isharet qilinghan bayanatta: «bitchit qilip tashlanghan térror lagérliri <doxturxana we ahaliler rayoni> dep burmilap tarqitilip, yalghan teshwiqat élip bérilmaqta. térrorluq teshkilatlirining burmilashlirigha ishenmenglar. p k k / y p g térrorluq teshkilati teshwiqatini qilidighan adréslar teripidin tarqitilghan <türkiye urush ayropilanliri süriyening derik nahiyeside doxturxana bombardiman qildi> dégen sepsete toghra emes» dégen ibarilerge orun bérildi.
